ارتفاع أسعار الحديد والأسمنت إلى الضعف

ارتفاع أسعار الحديد والأسمنت إلى الضعف

قال أحمد الزينى رئيس شعبة مواد البناء بغرفة القاهرة، إن أسعار الحديد والأسمنت لا تزال مرتفعة فى الأسواق، رغم حالة الركود فى الأسواق، بل وارتفعت لكى تكون أعلى من الأسواق العالمية.

وأشار الزينى فى تصريح لـ"اليوم السابع" أن أسعار الحديد تبلغ فى مصر 4500 جنيه للطن، ويبلغ 600 دولار للطن عالميا بزيادة 80 دولارا عن السوق المحلى، كما يبلغ سعر طن الأسمنت محليا 550 جنيها وعالميا لا تتعدى الـ 90 دولارا أى بزيادة 40 دولارا للطن.

وعلق الزينى أن ثورة 25 يناير لم تكسر الممارسات الاحتكارية فى السوق المصرى، مطالبا بتدخل الحكومة الجديدة لحل أزمة الأسواق فى ظل الركود الشديد وتعرض الوكلاء والتجار لخسائر كبيرة

.

هى دى نتائج الثورة

و على فكرة كل حاجه اسعارها هتزيد مش الحديد والاسمنت لا كل حاااااااجه
وطبعا البيوت هتغلى جداااا بسبب ارتفاع اسعار الاسمنت والحديد
واحمد عز محبوس يعنى مش هو السبب ولا هو المحتكر الوحيد علشان الناس كانت فاكره ان هما دول بس الى بيسرقو
وهى دى الكومه الجديدة اما نشوف حتعمل ايه فى الموضوع ده وهيبقى اختبار لها
و بصراحه الوضع من سىء الى اسوء وربنا يستر على مصر

احمد السيد سبتان كتب:

بصراحه انا مش معاكى ان ثورة 25 يناير
ثورة خراب ودمار لا بالعكس ثورة كلها انجازات
يمكن انتى مش متخيله فساد 30 سنة معرفتيش ازاى واحد يتخرج من الجامعه
مش لاقى شغل ويوم اما يلاقى يبقى يتعين ابن البيه والوزير ازاى انا مش عارف بصراحه انتى فعلا متميزه
لكن ازاى فكرك راح انى ثورة 25 خراب ودمااااااااااار فعلا انا مش مصدق
شباب الثورة خلاااااااااااااااص رحل من الميدان اللى متواجدين البلطجية مش كل حاجة
نتهمها فى الثورة يجماعة الثورة دى فى رأى احسن ثورات التاريخ شوف العظمة فى الشباب اللى نظفوه الميدان بعد التنحى بجدانا بشكرهم من قليى وبشكر كل شهيد ضحا من اجل حريه بلده
بجد انا دلوقتى شايف مصر احسن والثورة دى معملتش خراب ومصر هتتقدم

طيب ممكن تقول لى اى انجاز حققته الثورة ؟؟؟؟
الفساد الى انت بتقول عليه فى تلتين سنه الثورة حققت اكتر منه خساير فى الشهرين الى فاتو انت عارف مصر خسرت قد ايه وبتخسر لحد دلوقتى اد ايه!!
طيب انا معاك فى النقطه دى بس مش معنى كده اشيل النظام كله كان تبقى ثورة ضد كل واحد فاسد مش النظام كله
وعلى فكرة انا مش مميزة ولا حاجه فى كتير من الشعب المصري معايا فى رأىى
انا مش بتهم الثورة بس كل شىء بيزيد عن حده بيتقلب ضدده وانا كنت فى الاول نفسك بالظبط مع الثورة وانا مع الثورة لحد يوم 28 بعدها كل ده كان خراب ودمار لمصر
الشباب الى نضف الميدان ده هو نفسه الى كان من يومين حاطط اسلاك شائكه و متاريس على مداخل ومخارج الميدان وكمان مش بيحترم حظر التجول وده الى ساعد البلطجيه انها تنتشر وكمان خلى شكل المجلس العسكرى والجيش وحش وانه ضعيف
و انا بتمنى ان مصر تتقدم وكل مصرى بيتمنى كده بس انا مختلفه على الطريقه بتاعت التغيير بس كده
وتحياتى ليك على ابدئك لرأيك وانا بحترم وجهة نظرك جداااااا وانا ممكن يكون كلامى صح او غلط المهم فى النهايه مصلحه مصر

انا عايزه فى البدايه اقول حاجه مين الى قال انهم 30 سنه فساد !! انت عارف مبارك لما حكم مصر كانت خارجه من حرب وكانت سينا لسه كلها مرجعتش هو بقى كمل معاهده السلام ورجع طابه وبدء مع مصر من تحت الصفر لحد ماوصلت للى احنا فيه ده.. انا من وجهة نظرى ان الفساد كان بس فى الست سنين الى فاتت يعنى الفترة الاخيرة للرئيس مبارك وده كان بسبب انه صعف لما كبر فى السن ومبقاش زى الاول ولا انا ولا انت عيشنا 30 سنه علشان نبقى نتكلم عن 30 سنه فساد
على فكرة انت فاهمنى غلط انا مش معترضه ان الناس دى تتحاكم بالعكس احسن انا اصلا ضددهم وانا مش قاضى علشان اقول ده برىء ولى لاء الى يقول كده النائب العام والتحقيقات و اول واحد فى نظرى برىء الرئيس مبارك لانه مش يستاهل السجن ولا الى بيحصل له ده بجد حراااام وان شاء الله التحقيقات تثبت انه برىء.. يااحمد مبارك كان ممكن يهرب من مصر من ساعت ما اتنحى ومكنش حد هيقضر يحاكمه ولا يقرب منه بس هو فعلا بطل وحتى لو كان زى ما انت بتقول سرق ونهب "مستحيل ان شاء الله" الراجل الى فى السن ده لازم يتعامل كويس الرسول عليه الصلاة والسلام قال :" ليس منا من لم يرحم صغيرنا ، ويوقر كبيرنا " وكمان مرتضى منصور محبوس بتهمه تورطه فى موقعه الجمل كل ده علشان كان ضد الثورة وقال انه هيرشح نفسه للرئسه وفى تانى بس انا مش فاكرة دلوقتى مين بالظبط ... بس عايزه اقولك ان الثورة كانت فى الاول مرحب بيها بس دلوقتى بعد كل الى حصل ناس كتير كرهت الثورة وكرهت ميدان التحرير بدليل من ميومين الناس راحت واخلت الميدان الشعب دلوقتى عايز استقرار زى زمان عايز يبقى فى امان زى زمان عايز عجله الحياة تمشى.. يمكن احنا مش حاسين بس فى ناس كتير بيوتها اتخربت من الثورة واولهم بتوع شركات السياحه ويارت اعرف منك انجازات الثورة مع انى مش شايفه اى انجاز بصراحه و يمكن فى النهايه انا اقنعك بوجهته نظرى او انت تقنعنى بوجهة نظرك
سورى طوولت اوووى وتحياتى ليك يا احمد ولاسلوب النقاش بتاعك المتحضر