رأى مواطنة مصرية

انا عارفه ان المنتدى ده للشعر لكن انا لم اجد غيره لكى اعبر فيه عن رايى
أنا أحب إنى أقـــــــــــدم الرسالـــــــــــــــــــــــــة دى لكــــــــــــــــــــل مصرى بيحب مصــــــــــــــــــــــــــــر....
دلوقتى و بعد الاستفتاءات التى أقرت بنعم للتعديلات الدستورية أحب إنى لوضح شئ أخير الا وهو إن الفساد انتشر تانى وبقوة وكان لازم إن احنا نقول لا وعندى أسبابـــــــــــــــــــــــــــــــــــــــــــــــى وهى أنه مينفعش يعدل كام مادة من الدستور احنا كان لازم نعدل الدستور كاملا بحيث إن أحنا نقدر نحاسب الوزراء والمسئولين وكمان رئيس الدولة " يا فرحتى خليناه يقعد 8 سنين بس يسرق فيهم من غير ما يبان " مش اللى يتكلم كلمة واحدة يدخلوه المعتقل وكمان لازم يكون فى سياسات واضحة للاصلاح تلــــــــــــــــــــــــــــــــزم المسئـــــــــــــــــــــولين وعمومــــــــــــــا انا مش هطول فى الموضوع ده لانه انتهى خلاص ....
ولكـــــــــــــــــــــــــــن أحب أن اظهر لكم دليل آخر على الفساد وهو أن الحكومة أعلنت وقف التداول لكل شركات المسئولين والوزراء وأعضاء الحزب الوطنى وقد تبين من الوهلة الاولى ان الموضوع ده فى مصلحة البلد لكــــــــــــــــــــــــــــــــــــــــن الحقيقة أنهم وقفوا التداول لمصلحة أصحابها لان شهدت البورصـــــــــــــــــــــــــــــــــة المصرية تراجع فى الآونه الاخيرة وخسر العديد من اصحاب رؤس الاموال شركاتهم الصغيرة وأموالهـــــــــــــــــــــم و قد كان ذلك سبب إغلاق مصانع المسئوليــــــــــــــــــــن حتى لاتخســـــــــــــــــــر فى البورصة المصرية بالرغم من ان وجود هذه المصانع فى سوق البورصة المصرية يؤدى الى انتعاش البورصة المصرية بصورة أسرع
ولكن الفســــــــــــــــــــــــــــــــــــــــــــــــــــــــــــاد مازال قائم وكتاكيد اخير على كلامى ان الحكومة أعلنت أنها سوف تفــــــــــــــــــــــــــــــــــــرج عن جميع المسئولين إذاقاموا بتسديد ديون الدولة التى لاتتعدى 1 فى المائة من ثروة احدهم
وبذلك سوف يعودون من جديد وبشكل أفظع وان لم يكونوا نفس الشخصيـــــــــــــــــــــــــات ولكن بنفس الفساد ...
وأكيد لو اى حد قام بمظاهرة هيقولوا عليه انه بيدمر البلد حسبى الله ونعم الوكيــــــــــــــــــــــل
وعلى فكرة كل اللى بيقول انا قولت نعم علشان البلد تستقر مخطئ لان البلد بدات فعلا مرحلة الانهيار وانا عمرى ما بقول كلام من الهوا لكن انا بثبت بالادلة الصحيحة
على فكرة الموضوع ده مش منقول ولكنه رايى الصريح ....
وبعلنه على الملأ وفى جميع المواقع
وشكرا

اعتقد يا الاميرة هجينه الدم انك عارفه رأى
لان انا رديت على الموضوع فى مدرسه الريفيه وانا مازلت على رأى وكمان احب اسمع ردك على كلامى ... على العموم انا حكتب الرد نفسه هنا علشان باقى الاعضاء يعرفوه
ردى باللون الاحمر
ارجع واقول تانى ان الدستور ده مؤقــــــــــــــــــــــــــــــــــــــــــت والمواد الى اتغيرت فيه
كانت المواد الى تخص الفترة الى جايه دى يعنى المواصفات بتاعت الرئيس والانتخابات وحالة الطوارىء ووو ....
انما ان شاء الله الدستور كله هيتغير بعد لما يجى رئيس جديد
وانا بقول من وجهة نظرى ان التعديلات مناسبه جدااا للفتره الى جايه وكمان احنا معندناش وقت كفايه نعمل دستور جديد .......... دى مجرد فتره انتقاليه وبس
و الدستور القديم او الى اتعدل مش بيمنع خالص محاكمه الوزراء والمسؤلين ...
و انا عمرى ما شوفت فى مصر الى بيتكلم كلمه او غيرو بيدخلوه المعتقل عمررررها ما حصلت
ده انا مشفتش حريه زياده عن كده 24 ساعه كله بيشم فى الرئيس وغيرو من المسؤلين ولا حد بيقول لهم اى حاجه
ولا عمر حد دخل المعتقل الا بتوع الاحزاب يمكن او الاخوان
انما مش اى واحد يتكلم فى السياسه بيدخل المعتقل احنا عادى اهو بنتكلم فى السياسه مروحناش المعتقل ولا حاجه خالص..
انا معاكى ان ده فى صالحهم بس مكنش ينفع ميعلقوش اموالهم
وانا موافقه عادى انهم يسددو ديون مصر احسن بردو علشان البلد تتحرر بجد ونبدء من جديد ومن اول السطر
اكيد المظاهرات فى الوقت ده هتخرب البلد اكتر يعنى انتى فكرى فيها
وهتلاقى قضى اخف من قضى والوضع دلوقتى مش بيسمح نهائى بالمظاهرات
مع تحياتى ليكى على موضوعك الجميل
وسلامى للجميع

مرسي على موضوعك يا الاميرة هجينة الدم
واسمحيلي اعلق على كلامك
اولا: اظن انه كان فوز كاسح فى الاستفتاء على شباب الثورة وشباب التغيير ومن الاستفتاء ده عرفنا راي الشعب المصري ودلوقتي بس اقدر اكلم عن الشعب لان النسبة عادت نسبة 50% من الشعب بكتيرر فمش معقول يكون اكثر من 77% من الشعب مش فاهم السياسة وشباب التحرير والتغيير عباقرة وكلهم واخدين دكتوره فى السياسة مع احترامي للجميع فكان اختيار نعم فى الاستفتاء هو الاختيار الصحيح وهو اللي يحقق الاستقرار فى مصر مش زي ما بتقولي غلط وعلشان تكوني عارفة يا اميرة لو كان فى مصر انتخابات نزيه الاخوان اكييييد هيكسبوا ومش هنضحك على نفسنا الاخوان اقوي حزب سياسي فى مصر والدليل على اللي حصل فى الاستفتاء ومستحيل نشوف انتخابات نزيه فى مصر علشان الاخوان مسيطرين فاده مش فساد غير كده مين اللي قال ليكي ان اي يحد يكلم فى مصر هيخش المعتقل الحقيقة ممكن تحطتي النكته دي فى المسرح لان انتي لو شفتي الدول التانية بتعمل ولو كنتي موجودة فيها وقولتي كده كان الله اعلم بحالك فيعني الكلام ده مش عندنا ده اكيد من النكت السياسة المنتشرة فى النت واما بالنسبة للبورصة فدوري على الي كان السبب فى انهيارها فى الاول مش كانت الثورة السبب ولا احنا هنلصق كمان انهيار البوصة على شماعة المسؤلين وياريت يخدوا من المسؤلين المسجونين فلوس علشان نسد ديوان مصر لاننا مش هنستفيد فى سجنهم فى حاجة او اعداهم وعلى فكرة مش كل المسؤلين بيسرقوا علشان تكوني عارفة فى ناس محترمين وبيكفحوا وقعوا فى الرجلان فى الثورة دي وكل فلوسهم من تعبهم وشقاهم وبعدين هما اصلا مش معاهم زي ما انتي متصورة على فكرة لو دفعوا اقل من 1% مش مشكلة المهم تبقى مساعدة لمصر علشان تخرج من الازمة دي فاحنا لازم نشوف مين السبب فى الخراب ده وكلنا عارفين ان السبب الثورة التي وسوف تلقى بمصر فى المجهول وعلشان تكوني عارفة كمان مصر مليانه سالفين واخوان لو قالوا نعم قولي يا رحمن يا رحيم على رايك الصريح علشان هما الكتلة الاكبر والاقوي فى المجتمع فما تحلميش بالحرية والديمقراطية ابدا فى مصر وانسي موضوع الراي والراي الاخر
وبحب اشكرك الاميرة الوردية على ردها
وكمان تسلم ايدك على الموضوع

بلال كتب:اولا احب اشكرالاميرة الهجينة على موضوعها واحب اشكر اكتر الملكة السوداء على الرد
ورد الاميرة الوردية
على راي الملكة السوداء الفوز كان كاسح اوي على بتوع لا يعني المفروض انتي تكسفي تقولي انك كنت عايزة تصوتي ب لا يعني كان نتائج الحقيقة مسخرة انا كنت هموت من الضحك من النتيجة وكمان صعب علي شباب التحرير وشباب التحرير الحقيقة يعيني عليهم وشكرا بجد للاخوان على شغلهم كان على مياه بيضه فى الاستفتاء يابنتي كنتي روحتي وصوتي بنعم وعلى الاقل كنتي هتخدي كيسين سكر وازازة زيت وانتي خارجة ال ديمقراطية والحرية ال ليه هو احنا فان ؟
ولتكوني فاكره اننا فى اوروبا لا احنا فى مصر يعني كياس السكر موجود وجاهزة لاي انتخابات او استفتائات وعلى العموم انا مش هقدر ازود على كلام الملكة السوداء لان ردها الحقيقة كان كافى يرد على موضوعك وبذات نكته المعتقل دي على فكرة احنا لازم نعمل قسم لنكت والطرائف لوضع مواضيعك فيه
وشكرا ليكي يا الملكة السوداء وتقبلي ترحيبي الحار بوجودك معنا فى المنتدي

شكرا ليكي جداا على ردك يا بلال
واتمني ان اقدر افيد لاعضاء اللي هنا فى المنتدي وكمان هما يفيدوني
وانا بحترم جدا راي الاميرة الهجينة بس كنت لازم اعرفها الحقيقة المرة اللي موجودة دلوقتي فى مصر
وعايزين ننسي بقى حكاية الثورة ومبارك ونبدا نشوف اشغالنا
لان الثورة خلفت وراءها كتير من الخسائر ولازم نبدا من جديد ونصلح
ونعمل بدل الكلام اللي لا يودي ولا يجيب
ومع تحياتي لجميع الاعضاء

انا مع الملكه السوداء وبلال فى ردهم الحقيقه
ودى كلها وجهات نظر وخلاص الاستفتاء خلص وفوزنا الحمد لله وعلى فكره لو كانت نتيجه الاستفتاء لا كانت مصر فعلا هتكون رايحه للمجهول
وكفايه كلام بقى عايزين فعل عايزن البلد تتقدم وترجع تقف على رجليها تانى
وانا بقول ان الاخوان فعلا اقوى حزب فى الساحه دلوقتى من غير منافس
وهما الى هتكون ليهم الاغلبيه فى الانتخابات البرلمانيه الى جايه
وياريت الناس تفوق
مع سلامى للجميع واحب ارحب بالعضوه الجديده الملكه السوداء
نورتينا فى المنتدى ياقمرايه